05/25/24 - 05/26/24|Njarðvíkurskógur|ICELAND, Reykjanes, Reykjanesbær
ÍSLANDSBIKARINN SILFURMÓT 2 - NJARÐVÍKURSKÓGUR
Silfurmótaröð Íslandsbikarsins er mótaröð sem Íslenska frisbígolffélagið stendur fyrir. Allar nánari upplýsingar um mótaröðina eru á vefsíðunni folf.is undir keppnir.
Silfurmótið sem þú vilt ekki missa af helgina 25-26 maí verður haldið af Frísbígólffélagi Suðurnesa í Njarðvíkurskógur. Mótið eru bæði ætlað þeim sem eru að stíga sín fyrstu skref í keppni og þeim sem eru að afla sér reynslu og þróa færni í frisbígolfi.
Fyrirkomulag skráningar er einfaldlega „fyrstir koma, fyrstir fá“. Athugið að skráning fer fram á discgolfmetrix.com en einnig er hægt að hafa beint samband við mótsstjóra (Björn Gunnarsson - bosos3@hotmail.com) til að skrá ykkur á mót eða senda póst á motanefnd@folf.is til að fá aðstoð við skráningu. Æskilegt er að skrá sig tímanlega til að mótsstjóri hafi góðan tíma í að raða ykkur í ráshópa fyrir mót og láta vita ef viðkomandi kemst ekki á mótið.
Dagskrá:
25. maí
09:40 - Staðfesta mætingu með sms í s. 821-8589 eða láta mótstjóra vita á staðnum
10:00 - Leikmanna fundur hjá fyrsta teig
10:10 - Hópmyndataka hjá fyrsta teig
10:20 - Allir ræsa út á sama tíma á sinni holu²
26. maí
10:00 - Byrjum að ræsa út einn hóp í einu frá fyrsta teig³
Óvíst - Fyrsta verðlaunaafhending og bráðabani á holu 18 ef þörf er á.
Óvíst - Seinni verðlaunaafhending og bráðabani á holu 18 ef þörf er á.
² það verður sendur út póstur eftir að skráningu líkur klukkan 20:00 um hvaða holu hver og einn byrjar á.
³ Hóparnir verða fyrst og fremst raðað eftir flokk svo sæti frá fyrri umferð. Tímar fyrir alla hópa og hvaða hóp hver einstaklingur er í mun koma í póst seinni part laugardags.
Skráningargjald:
Frítt í MJ12 og MJ15
Almennt verð fyrir alla hina flokkana er 6000 kr
eða 3000 kr fyrir félagsmenn (Félagsgjald er 5000 kr og það er hægt að skrá sig hér: Skráningarform)Til að staðfesta skráningu þarf að greiða mótsgjaldið með millifærslu með útskýringu "Silfur" á
Reikning 0133-26-013426
Kennitala 531217-0390
og senda kvittun á frisbigolffelagsudurnesja@gmail.com
8 keppnisflokkar eru í boði á Silfurmótaröðinni 2024:
Almennur flokkur kvenna 2 – FA2
Almennur flokkur 2 – MA2
Almennur flokkur 3 - MA3
Almennur flokkur 40 ára og eldri - MA40
Almennur flokkur 50 ára og eldri – MA50
Almenntur flokkur 60 ára og eldri – MA60
Barnaflokkur 12 ára og yngri - MJ12
Ungmennaflokkur 15 ára og yngri – MJ15
Í aldursflokkum er miðað við fæðingarár. Til dæmis eru þeir sem verða 40 ára árið 2024 yngstir í MA40 og þeir sem verða 12 ára árið 2024 elstir í MJ12.
Almennt um silfurmótin:
Veitt eru verðlaun fyrir 3 efstu sætin í öllum flokkum á hverju móti og eru þau verðlaun afhent í lok móts enda hvert mót sjálfstætt. Að síðasta Silfurmótinu loknu er skoðaður árangur úr þrem bestu mótum spilara og veittur Íslandsbikar í hverjum flokki. Um er að ræða farandbikar sem sigurvegarar varðveita í eitt ár eða þar til næstu mótaröð lýkur. Hver keppandi getur aðeins unnið Íslandsbikar í einum flokki hvert ár og sé keppandi stigahæstur í fleiri en einum flokki telst hann sigurvegari sterkasta flokksins.
Keppendur í Gullmótaröðinni geta ekki keppt í Silfurmótaröðinni enda tilgangurinn að auka framboð fyrir þennan hóp keppenda. Heimilt er að skipta um flokk á milli móta en keppandi tekur ekki áunnin stig með sér á milli flokka og getur aðeins unnið einn flokk (þann sem telst sterkari). Keppandi í Silfurmótaröð getur fært sig yfir í Gullmótaröð ef hann hefur aldrei keppt í Gullmóti áður og áttar sig á að hann á frekar heima í Gullmótaröðinni vegna færni sem viðkomandi sýnir fram á í Silfurmóti. Stig færast ekki á milli mótaraða og ekki er hægt að fara aftur í Silfurmótaröð ef keppt er í Gullmótaröð.
Íslandsbikarinn Silfurmót 1 Vífilsstaðir og Guðmundarlundur 11.- 12. maí - FFH
Íslandsbikarinn Silfurmót 2 Njarðvíkurskógar 25. – 26. maí – FFS
Íslandsbikarinn Silfurmót 3 Selfossvöllur 15. júní - FGÁ
Íslandsbikarinn Silfurmót 4 Háskólavöllurinn á Akureyri 20.-21. júlí – FGA
Íslandsbikarinn Silfurmót 5 Grafarholt 24. – 25. ágúst - FGR